文物保护之殇：消逝的西关大屋

2016-02-18 15:50:38 来源：信息时报已浏览次

　　最近，“广州文化蓝皮书”透露，西关大屋鼎盛时期有八百几间，但由于大肆拆建破坏，而家剩番一百几间，有保留价值嘅就只有10间左右，真系相当可惜。

　　不过，要保护好西关大屋呢种文物，又谈何容易？回想几年前，我哋屋企喺西关都有一间屋，虽然唔似有钱人咁大，但都有两层半高，喺新中国成立前买落嘅，坐北向南，都几试正嘎。

　　呢间大屋嘅消逝，其实好有时代性。就讲陈设，以前中堂本来挂有祖先朝服照，系成间屋嘅“气场”所在，但遇到家家户户“破四旧”，因为惧怕受到冲击，一个月黑风高嘅夜晚就无奈烧咗。

　　后尾，全国经济困难，阿婆养住7个仔女唔容易，只好变卖部分古董家私，件件都系酸枝，换着今日就值钱咯。

　　屋内仲有一扇雕花隔墙，印象中刻住“喜鹊登梅”，古色古香，但因为无钱维修而被虫蛀。有一次，屋企要“抖”家私，剩余少许“苹果绿漆”，就将隔扇油咗一层，虽然唔三唔四，但总好过蛀空倒塌。

　　改革开放后，大家有钱了，想维修呢间饱经风霜、摇摇欲坠嘅祖屋，但系就发现样样材料都冇了。瓦背冇人造，地砖唔再生产，大梁用嘅木材亦难再得，最后只好拆除重建。

　　回想起来，一间普通大屋，要保护起来都尚且咁唔容易，又何况广州众多文物建筑呢？

责任编辑：小萌

扫描此二维码，分享到微信

中国文物网版权与免责声明：

一、凡本站中注明“来源：中国文物网”的所有文字、图片和音视频，版权均属中国文物网所有，转载时必须注明“来源：中国文物网”，并附上原文链接。

二、凡来源非中国文物网的新闻（作品）只代表本网传播该信息，并不代表赞同其观点。

如因作品内容、版权和其它问题需要同本网联系的，请在见后30日内联系邮箱：chief_editor@wenwuchina.com

关闭